معلومات عن اللعبة
لعبة أكشن وتقمص أدوار بعالم مفتوح تدور أحداثها في أوروبا خلال القرن الرابع عشر، حيث يتحكم اللاعب في Coen، شاب تحول إلى كائن يُعرف باسم Dawnwalker، ويعيش بين عالم البشر نهارًا وقوى مصاصي الدماء ليلًا. تتمحور القصة حول إنقاذ عائلته، مع قرارات تؤثر بشكل مباشر في الأحداث والعالم والشخصيات. اللعبة مبنية باستخدام Unreal Engine 5 وهي أول ألعاب استوديو Rebel Wolves.
The Blood of Dawnwalker هتعجبك أو هتكرهها بناءً على حاجتين أساسيتين وهما نظام الوقت ونظام القتال. لو الحاجتين دول مش مشكلة بالنسبة لك، هتقضي وقت ممتع جداً، لكن لو بيعصبوك، يبقى اللعبة دي مش ليك.
إيه الحاجات اللي شفعت للعبة The Blood of Dawnwalker؟
- القصة وعالم اللعبة: القصة، والمهام الجانبية، والـ (Lore) كانوا ممتازين جداً. الاستكشاف ممتع وهتتبسط وأنت بتتعرف على العالم اللي المطورين بنوه.
- نظام قتال ممتع (للي يتعود عليه): القتال بيعتمد على الاتجاهات بشكل هيفكرك بلعبة Kingdom Come: Deliverance. ممكن ياخد وقت عشان تتعود عليه، بس بمجرد ما تفهم إيقاعه وتتعلم تصد الضربات في الاتجاه الصح عشان متخسرش الـ (Stamina)، بيكون ممتع جداً.
إيه اللي فصلني وخلى The Blood of Dawnwalker مش قد كده؟
- نظام الوقت المربوط بالتطوير: اللعبة بتديك 30 يوم عشان تنقذ عيلتك. المشكلة إنك عشان تتعلم مهاراتك عند الـ (Shrines) بيضيع حوالي ساعة من وقت اللعبة لكل مهارة. ده بيخليك تتردد تستخدم نقط التطوير، لدرجة إنك ممكن تجمع 60 نقطة وأنت خايف تصرفهم عشان ميكلفكش وقت كتير.
- شجرة مهارات مقيدة: مهارات السحر (Witchcraft) ومصاصي الدماء (Vampirism) متاحة للاستخدام في أوقات معينة بس من اليوم. ده بيخلي الاستفادة منهم جزئية وبيجبرك تعتمد أكتر على مهارات السيف (Swordmastery) معظم الوقت.
- إنجازات (Achievements) فيها مشاكل: بعض الإنجازات مش شغالة، زي إنجاز إنهاء اللعبة على صعوبة “Nightmare”، وده لأن اللعبة مفهاش أصلاً مستوى الصعوبة ده. كمان في إنجاز لنهاية من نهايات اللعبة مش واضح أو في مشكلة للوصول ليه.
إليكم أيضًا:
الإيجابيات
- الاستكشاف نفسه ممتع والعالم معمول بعناية
- مهام جانبية ممتعة وتشجع على الاستكشاف
- قصة قوية وعالم مليان تفاصيل وLore ممتاز
- تنوع كويس في أساليب وقدرات الشخصية
- نظام القتال ممتع ومُرضي جدًا بعد ما تتعود عليه
السلبيات
- شجرة المهارات بتخليك تعتمد على السيف أكتر من باقي القدرات
- بعض الـAchievements فيها مشاكل أو مش شغالة بشكل صحيح
الخلاصة
اللعبة دي تستحق الشراء فعلاً لو إنت متقبل فكرة نظام الوقت ونظام القتال المعتمد على الاتجاهات. لو دول مش هيمثلوا عائق ليك، هتعيش قصة حلوة وتجربة استكشاف ممتازة.
