مراجعة لعبة Captain Tsubasa 2: World Fighters

لعبة Captain Tsubasa 2: World Fighters بتفهم يعني إيه متعة كورة القدم الأركيدية اللي بتفكرنا بأيام اللعب الجميل واللمة الحلوة على PES 06، بس بلمسة الأنمي الأسطورية! اللعبة بتقدم تجربة بصرية مبهرة وجيم بلاي سلس جداً هيخلي أي حد من عشاق كابتن ماجد يندمج معاها فوراً. لو بتدور على لعبة كورة مليانة أكشن وحماس بدل تعقيدات المحاكاة، دي اللعبة اللي هتديك جرعة الأدرينالين اللي محتاجها.

ايه اللي أبهرنا في تجربة Captain Tsubasa 2: World Fighters؟

• جيم بلاي سلس وأكشن مبيوقفش: حركة الكورة والتمريرات وتسديدات اللاعبين الخارقة بقت أسهل وأكثر سلاسة من الجزء اللي فات (Rise of New Champions). الشوط التاني دايماً بيكون حريقة ومليان حماس وتقلبات في النتيجة مع استخدام كل لاعب لمهاراته الخاصة.
• قصة معمولة بحب للفانز: طور القصة ممتاز جداً وبيقدم أحداث من المانجا الأصلية وقصص جديدة. الحوارات وتفاعلات الشخصيات مع بعضها جوا الملعب ممتازة، ولما بتنفذ شروط معينة في الماتش بتظهر مشاهد سينمائية بتديك إحساس إنك بتتفرج على الأنمي بالظبط.
• استعراض بصري مبهر: تسديدات كابتن ماجد والصدات الخرافية للحراس شكلها تحفة على الشاشة. الأنيميشن مليان طاقة ومش هتمل من رؤية الضربات القاضية دي مهما اتكررت.
• تركيز على المتعة الصافية: اللعبة ركزت على طور القصة والأونلاين عشان تديك التجربة الأساسية وتدخلك في الأكشن على طول بدل زحمة الأطوار.

ايه اللي ممكن يخلي تجربتك صعبة في Captain Tsubasa 2: World Fighters ؟

• أطوار لعب محدودة شوية: اللعبة بتكتفي بطور القصة والأونلاين والتدريب. يمكن كنا نطمح لطور مهنة (Career Mode) أعمق شوية تصنع فيه لاعبك وتتدرج بيه براحتك، لكن التركيز على الشخصيات الأساسية خلى القصة متماسكة أكتر.
• شاشات التحميل: المشاهد السينمائية اللي بتظهر فجأة في نص الماتش أحياناً بيكون قبلها شاشة تحميل بسيطة ممكن تفصلك ثواني عن حماس اللعب.
• الواحد كان يتمنى بس يشوف اهتمام أكبر بإضافة تعريب كامل للقوائم والحوارات عشان التجربة تكون مثالية ومكتملة، بس حتى من غيره اللعبة ممتعة جداً.

إليكم أيضًا:

• عرض Monster Hunter Wilds: Ascendance يحلّق في فعالية State of Play على PlayStation

تقييم إلعب

لازم تلعبها

إلعبها

فوتها

ما تلعبهاش

أوعى تلعبها

الإيجابيات

• +تركيز على المتعة الصافية
• +جيم بلاي سلس وأكشن مبيوقفش
• +قصة معمولة بحب للفانز
• +استعراض بصري مبهر

السلبيات

• −شاشات التحميل
• −أطوار لعب محدودة شوية
• −لا يوجد تعريب كامل للقوائم والحوارات

الخلاصة

تجربة ممتازة وجرعة نوستالجيا ممتعة جداً. اللعبة صلحت مشاكل كتير في الجيم بلاي وقدمت استعراض كروي مبهر. لو أنت من الفانز، اللعبة دي هتعجبك جداً!

عبدالرحمن أحمد

رئيس التحرير

صانع محتوى ومهتم بكل ما يتعلق بعالم الألعاب والتقنية. شغفي يبدأ من متابعة آخر الأخبار والإعلانات، وصولًا إلى تحليل التفاصيل التي قد لا يلاحظها الكثيرون. أسعى دائمًا لتقديم محتوى يضيف قيمة حقيقية لمجتمع اللاعبين العربي.